Како што информира Кајак клубот Вардар Велес, нивниот најдобар натпреварувач Ане Петрушевски викендов настапи на Европскиот куп во Солкан, Словенија.

Во финалето на првото коло  Петрушевски заврши на одличното петто место.

Во второто коло покажа одлични перформанси и беше најбрз со време 78.38сек , зад себе оставајќи ги најдобрите кајакари од Европа од 21 земја.

Оваа трка беше подготвителна за Европското првенство кое ќе се одржи на оваа иста патека во период од 28 јули до 3 август каде што ќе настапи и Петрушевски.

Македонскиот кајакар Петрушевски подготовките ги продолжува во Италија каде следниот викенд ќе настапи на Европскиот куп во Валстања, Италија, во третото и четвртото коло.