Јасин Љама имаше убедлив старт на Светското првенство во Белград откако со 5:0 триумфираше над Фабио Росели од Сејшели.

За пласман во осминафиналето македонскиот боксер ќе ги одмери силите против Абдумалик Халоков од Узбекистан кој беше слободен во првото коло.

Нашиот втор натпреварувач на СП во српскиот главен град Арсим Етеми (кој беше слободен во првото коло) својот настап ќе го има за два дена против Андреј Чириаков од Молдавија.

Во овие две недели 650 боксери од целиот свет ќе се борат за освојување на еден од медалите.

Сите резултати од борбите во сите категории можете да ги погледнете на следниот линк ТУКА

– Победа на Светско првенство една од најважните победи во мојата кариера. Во првенство со најсилно учество во историјата. Благодарност до тренерите кои работеа со мене и особено до претседателот и потпретседателот на федерацијата, Примислав Димовски и Фатон Салиху – напиша Љама на Фејсбук.