Нов успех за младата македонска таеквондистка Миља Рељиќ во своите настапи на Г2 турнирите.

Нашата натпреварувачка успеа да освои бронзен медал на Г2 турнирот „Монтенегро Опен“, во Подгорица, Црна Гора.

За Рељиќ ова се дополнителни поени за светската и олимписка ранкинг листа. На овој турнир настапија 350 натпреварувачи од Европа и светот.

Ова е продолжување на успесите на Рељиќ, во септември Таеквондо клубот „Тигри“ – Скопје објави дека таа е на високата 13 позиција на Светската ранкинг листа.

По двата бронзени медали од Г2 турнирите од Загреб и Талин, златниот медал од Израел и златото од Европското Клупско Првенство, македонската таеквондистка направи одлично искачување на ранкинг листата за подобра стартна позиција на Светското Првенство во ноември во Мексико каде исто така целта ќе биде освојување на медал.

Младинците на таеквондо клубот Бутел со 14 медали на турнирот во Ниш