Најдобрите македонски ракометарки со пораз го почнаа настапот на Европското првенство 2024 откако беа совладани од Шведска со 28:18.

Добро стартувавме со водство од 3:1 против фаворитот, но потоа следуваше серија на противникот од пет погодоци во низа за 6:3 на семафорот.

Одржувавме резултатска неизвесност до 10:7, но потоа следуваше пад во играта на нашата селекција, а тоа го казни ривалот за зголемување на својата предност од 15:7.

Високиот ритам го продолжија Швеѓанките и во текот на второто полувреме, целосна доминација, примивме 10 голови, а не постигнавме ниту еден за убедливи 20:7.

До крајот само рутински Шведска ја одработуваше задачата за конечни 28.18. Во нашите редови најефикасни беа Кипријановска, Ристовска, Младеновска и Јанкуловска со по три голови.

Во вториот меч од нашата група селекцијата на Унгарија триумфираше со 30:24 против Турција. Турските ракометарки се нашите следни противнички на ЕП в сабота од 20.30 часот во Дебрецин.