На Европското првенство во кураш (спортско борење со појас) во Едрене, Турција, македонските репрезентативци се закитија со четири медали.

Нашите натпреварувачи на ова големо натпреварување, во јуниорска и сениорска конкуренција, успеаја да освојат еден сребрен и три бронзени медали.

Во јуниорска конкуренција Амина Факиќ во категоријата до 60 килограми дојде до среброто, а до бронзи Мусај Беслими (до 55 кг.) и Ахмед Факиќ.

Кај сениорите во категоријата до 100 кг. Ернад Реџиќ дојде до бронзениот медал.

На ова натпреварување имаше над 300 натпреварувачи од 20 европски земји.