Минатиот месец нашата најдобра репрезентација стартуваше со две победи и еден пораз во квалификациите за пласман на Светското првенство во Катар 2022 година.

Во првиот натпревар избраниците на селекторот Игор Ангеловски загубија со 3:2 во Букурешт од Романија, иако бевме блиску до освојување на бод, а потоа следуваа убедливиот домашен триумф над Лихтенштајн (5:0) и сензационалната победа во Дуизбург над Германија (1:2).

Благодарение на тие две победи Македонија денеска бележи напредок од три позиции на ФИФА ранг листата.

Моментно „рисовите“ се на 62 место со 1374 поени, веднаш пред Словенија, а зад ДР Конго.

Нашите ривали на Европското првенство, Австрија е на 23 место, една позиција подолу е Украина, додека Холандија е на 16 место.

ФИФА ранг листа
Топ 10 –

1.Белгија 1783 поени
2.Франција 1757
3.Бразил 1742
4.Англија 1686
5.Португалија 1666
6.Шпанија 1648
7.Италија 1642
8.Аргентина 1641
9.Уругвај 1639
10.Данска 1631
—