Денеска се навршуваат 27 години од смртта на големата театарска и филмска актерка Анче Џамбазова.

Таа зад себе остави голем број одлични изведби на „даските што живот значат“ и остана запаметена по бројни улоги, меѓу кои и онаа во филмот „Мирно лето“ (1961) и улогите во еден од најгледаните телевизиски проекти – „Македонските народни приказни“.

Нејзиниот син, актерот и шоумен Игор Џамбазов ѝ посвети емотивна објава на својот инстаграм-профил. Тој објави фотографија од мајка си, а во позадина се слуша песната на Роџер Вотерс со наслов „Mother“.

„Мајко моја златна.
Дваесет и седум години поминаа, а ти сè уште си присутна, те спомнувам секојдневно и не престануваш да ме инспирираш. Се надевам дека се најдовте со тато, оти тој препека по тебе дур беше жив. Јас сум добар, да не ме мислиш…“, напиша Игор покрај фотографијата.

ФОТО | „Неговата среќна ѕвезда сè уште ме штити“: Игор Џамбазов со емотивна објава за роденденот на дедо му Петре Прличко