Кога луѓето се обраќаат на бебе или дете, тие често го повишуваат тонот, а делфините, очигледно, имаат сличен начин на комуникација со своите младенчиња, според студијата објавена од морски биолози во САД.

Резултатите од студијата спроведена од експерти за време на истражувањето во Флорида покажаа дека мајките-делфини го менуваат тоналитетот на нивната комуникација, односно користат еден вид силно свиркање кога испраќаат пораки до своите младенчиња, пишува српски „Јуроњуз“.

Истражувачите ги снимиле и споредиле карактеристичните свирежи на 19 мајки-делфини на Флорида додека биле придружувани од нивните потомци, како и кога пливале сами или со други возрасни единки.

“Делфините ги користат нивните специфични свирежи за да се следат едни со други. Тоа е како периодично да ги информираат другите делфини за нивната локација”, објаснува коавторот на студијата Лејла Сајиг, морски биолог во океанографската институција „Вудс Хол“ во Масачусетс.

Во една студија објавена во списанието „Проекти на Националната академија на науките“ се наведува дека зачестеноста на свирежите за време на комуникацијата со младенчињата е поголема од онаа што се користи во комуникацијата со возрасни делфини.

Се наведува дека откривањето на овие податоци не било нималку едноставна работа, имајќи предвид дека, меѓу другото, научниците морале постојано да вградуваат специјални микрофони на исти женски делфини во текот на три децении.