ЛШ: Веспрем со најголеми шанси за трофејот, Порто на Митревски не е ни во Топ 10 фаворити
Денеска официјално започнува новата сезона (2022/2023) во ЕХФ Лигата на шампионите, а за првпат по 22 години Македонија нема да има свој клуб во елитата. Вкупно 16 екипи се поделени во две групи, единствениот наш претставник е нашиот репрезентативен голман Никола Митревски со Порто.
Препорачано
-
1
-
2
-
3
Португалската екипа е во групата „А“ заедно со ПСЖ, Магдебург, ГОГ Хандболд, Динамо Букурешт, Веспрем, Висла Плоцк и ППД Загреб. Во групата „Б“ се Пик Сегед, актуелниот шампион Барса, Целје Пивоварна Лашко, Кјелце, Кил, Нант, Елверум и Алборг Хандболд.
Европската ракометна федерација и годинава прави ранкинг на тимови кои покажуваат најдобра форма и се издвојуваат како најголеми фаворити за титулата. Порто на овој ЕХФ ранкинг не е ни во Топ 10 фаворити, а на врвот е Веспрем.
За унгарскиот шампион се вели дека беше еден од првите клубови кој ги почна подготовките на крајот од јули. Но, ова беше за добра причина, бидејќи го освои трофејот во СЕХА Газпром лигата на почетокот на септември, победувајќи ги Еурофарм Пелистер и Загреб на СЕХА Фајнл 4. Не само што Родриго Коралес и неговите соиграчи триумфираа во Хрватска, туку и ги поразија Кил, Фленсбург и Плок во пријателски натпревари, ставајќи ги на врвот на рејтингот на Лигата на шампионите – засега.
Лига на шампиони 2022/2023
ЕХФ ранкинг –
1.Веспрем
2.Барса
3.Кил
4.Нант
—
5.Алборг Хандболд
6.Динамо Букурешт
7.Кјелце
8.ПСЖ
9.ППД Загреб
10.Магдебург
Денеска
1. коло, двојки –
18.45 часот Кил – Елверум
18.45 часот Пик Сегед – Барселона
20.45 часот Кјелце – Нант
20.45 часот ППД Загреб – ГОГ
Четврток (15 септември)
Двојки –
18.45 часот Алборг – Целје
18.45 часот Динамо Букурешт – Магдебург
18.45 часот Веспрем – ПСЖ
20.45 часот Висла Плоцк – Порто
