Министерот за здравство Златибор Лончар денеска изјави дека штотуку е „потпишан“ договор со претставниците на компанијата „Фајзер“ за дистрибуција на нивниот експериментален лек за лекување на коронавирус во Србија, пренесува Бета.рс.

Лончар за РТС изјави дека Србија е трета земја во светот што склучила ваков договор со компанијата „Фајзер“ и прва што го има во употреба.

„Ние сме третата земја во светот што го потпиша договорот, се согласуваме со „Фајзер“ и ќе бидеме првите што ќе го имаме тој лек, кој има 89 проценти успешност за избегнување болничко лекување и посериозни компликации“, рече Лончар. .

Тој наведе дека е видлив благ пораст на бројот на вакцинирани од воведувањето на пропусниците за ковид.