Пејачката и актерка Лејди Гага во интервјуто за „Вог“ откри ретки детали од приватниот живот. Таа откри како го запознала бизнисменот Мајкл Полански и раскажала за нивната свршувачка.

Нејзината мајка, Синтија Германота, била првата што го запознала Мајкл и ѝ рекла на Лејди Гага: „Мислам дека го запознав твојот сопруг“. Пејачката се присети како ѝ кажала на својата мајка дека не е подготвена да го запознае сопругот.

Сепак, Гага отишла на роденденот на Шон Паркер во септември 2019 година и, како што раскажала, постојано прашувала за Полански додека конечно не се сретнале. Таа вечер разговарале три часа.

Бизнисменот рекол дека Лејди Гага го освоила со својата топлина и отвореност. Тие разговарале на телефон со недели пред да одат на првиот состанок. Тие се заљубиле, а потоа поминале заедно во карантин во Калифорнија.

„Беше навистина посебно. Јас бев фокусирана на мојата кариера уште од тинејџерска возраст и вистински подарок е да можам целосно да се фокусирам на мојата врска. Запознав човечко суштество кое сака да ме запознае надвор од Лејди Гага“, изјавила пејачката.

Полански се согласил со неа.

„Имавме неверојатно поглавје од чудниот вид на нормалност што е од суштинско значење за секоја врска да се развие правилно – одење на прошетки, правење кафе, дружење со кучињата, читање книги заедно“, рекол тој.

Пејачката откри дека Полански ја запросил во април. Тие се качувале по карпи кога Полански клекна пред неа. Веќе некое време се шпекулира за нивната свршувачка, но парот сè уште не го потврдил тоа.

Инаку, кога Лејди Гага го запозна францускиот премиер Габриел Атала, го претстави Полански како својот свршеник, а подоцна во неколку наврати беше фотографирана со свршеничкиот прстен.

 

View this post on Instagram

 

A post shared by Lady Gaga (@ladygaga)

ФОТО | Вљубена покрај партнерот: Лејди Гага го покажа големиот веренички прстен на Венецијанскиот филмски фестивал