Ако мислите дека вие сте главни во својот дом, размислете уште еднаш. Особено ако го делите вашиот дом со четириножен пријател. Без разлика колку се обидувате да наметнете авторитет, постојат јасни знаци дека вашето куче е всушност тој што ги „влече сите конци“, пишува „Индекс.хр“.

Се сеќавате ли на времето кога одлучивте дека вашето куче нема да смее да лежи на кревет? Да, како помина тоа? Ако сега се будите секое утро на работ од креветот со кучето испружено како крал на средина, ајде да бидеме искрени, кој е главниот овде?

Кога последен пат сте јаделе оброк без вашето куче да ве гледа како да не сте го хранеле со години? Ако само еднаш сте му дале парче храна од масата, знаете дека нема враќање назад. Во моментот кога вашето куче ќе одлучи дека не му се допаѓа тоа што го ставате во неговата чинија, циркусот започнува додека не послужите нешто „достојно“.

Вашето куче совршено знае кога да излезе на прошетка, да игра или да добие награда. Ако заборавите? Не грижете се, тој гласно ќе ве потсети! Кога вашето куче ќе одлучи дека е време за прошетка, сè што треба да направите е да го земете поводникот и да го следите. Распоред според вас? Што е тоа?

Кога вашето куче ќе одлучи дека е време за игра, нема изговори. Дали ја крие вашата омилена влечка? Го грабна далечинскиот управувач и трча низ домот? Нема предавање додека не станете од каучот и не се придружите на потрагата која тоа ја посакува. А, кога ќе му биде здодевно, само ќе си седне и ќе ве гледа како очајно барате.

Ако некогаш сте се вратиле дома после долг ден и вашето куче ги игнорирало вашите поздрави затоа што е навредено што сте го оставиле, знаете за што зборуваме. Вистинскиот господар на куќата одредува кој кого и кога ќе поздрави. И, се разбира, ќе мора да работите навистина напорно за да ја вратите неговата наклонетост.

Сè додека неговиот изглед може да ве натера да му дадете уште едно колаче или да го оставите на креветот, тој ќе биде вистинскиот владетел на вашиот дом. Без разлика на сè, никогаш не треба да претерувате и да им попуштате, но и секогаш треба да ги сакате.