Ракометарите на Алкалоид одиграа одличен натпревар во срцето на Атина, совладувајќи ја домашната екипа со 25-29 и со голема предност се враќаат во Скопје, каде што за седум дена ќе го одиграат реваншот кој може да им го донесе првиот европски трофеј, титулата во ЕХФ Европскиот куп.

Сепак, и покрај триумфот и добрата основа за финалната пресметка, селекторот и стратегот на тимот, Кире Лазаров, останува внимателен. Во изјава за грчките медиуми по натпреварот, тој потенцираше дека ништо сè уште не е готово и дека вториот меч во Скопје ќе биде исто толку тежок и значаен.

„Одигравме добар натпревар против тим со голема традиција и искуство. Но, ништо не е завршено, можеби предноста од четири гола изгледа како голема предност, меѓутоа мораме да одиграме на високо ниво и во реваншот. АЕК е тим со квалитетни ракометари и има свои адути.Знаеме дека нема да биде лесно“, изјави Лазаров.

Алкалоид на чекор од историја: Славеше голема победа среде Атина!