Кузеска: Предвремени избори не се потребни, стабилно е парламентарното мнозинство
Во овој момент не се потребни предвремени парламентарни избори во државава, а стабилно е и парламентарното мнозинство, изјави вечерва портпаролката на СДСМ Богданка Кузеска.
-Она што ќе следува е реизбор на владата, но нема потреба од предвремени парламентарни избори, бидејќи парламентарното мнозинство е стабилно, изјави Кузеска пред најавената прес конференција во СДСМ во 21 часот, кога партијата ќе ги соопшти резултатите од денешниот избор на нов лидер на СДСМ.
Во партиското седиште вечерва пристигна и лидерот Зоран Заев кој своето право на глас за нов претседател на СДСМ го оствари денеска во Струмица.
За претседателското место во партијата денеска се бореа кандидатите: Димитар Ковачевски, Фросина Ременски и Јован Деспотовски.
Дел од скопските телевизии вечерва соопштија дека Димитар Ковачевски по пребројувањето на поголем дел од гласовите, но сепак неофицијално е наследниот на Заев на претседателската функција во СДСМ.