– Треба да работиме и да чекориме напред со единствени ставови и да го чуваме како очите во главата партнерството со западните сојузници, а пред сé со оние кои го дадоа најголемиот придонес за независноста на Косово, а тоа се САД, истакна на прес – конференција косовскиот претседател Хашим Тачи кој информира дека косовскиот премиер Албин Курти и понатаму ги игнорира неговите покани за средба на која би разговарале за развојот на односите со главниот партнер и сојузник на земјата.

Мојата порака е дека премиерот треба да носи одлуки кои се во согласност со волјата на граѓаните на Косово, со евроатлантската ориентација и да не должи со носењето на потребните одлуки, затоа што тоа може да ја одведе земјата во погрешна историска насока, рече Тачи.

Косовскиот претседател порача дека слободата на Косово „нема смисла без стратешкото партнерство со САД” и уште еднаш ја обвини Европската унија заради неукинувањето на визите за косовските граѓани.