Австрискиот канцелар Себастијан Курц  ја подржа иницијативата на американскиот претседател Доналд Трамп за решавање на проблемот меѓу Израел и Палестина.

-Поздравуваме што САД и претседателот Трамп со конкретни предлози се вклучуваат во решавањето на еден од најтешките конфликти во меѓународната политика- истакна Курц во зедничкото соопштение со министерот за надворешни работи, Александер Шаленберг.

Меѓународната заедница и ЕУ веќе со децении сакаат со решението „две држави” да се заврши конфликтот и крвопролевањето, нагласија двајцата Австријци.

Курц и Шаленберг апелираа до сите страни да се прифати американскиот план како повод за обновување на преговорите под раководство на САД, за врз тие основи да се дојде до конечно решение.

-Застојот во процесот на изноѓање мир на Блискиот Исток трае веќе предолго- констатираа двајцата.