Носителот на листата од Левица во третата изборна единица Борислав Крмов вели дека ќе ги поднесат листите до ДИК пред крајот на рокот.

Претпоставувам ќе бараат влакно во јајцето па за секоја точка, запирка таму ве враќаат, имате 48 часа да ги коригирате, но некаде пред крајот на рокот ќе ги предадеме, вели Борислав во дневникот на Сител, каде потенцираше дека Левица на изборите ќе се претстави со нови лица.

„Левица оди со нови луѓе, коишто ние веќе ги промовиравме на малите екрани пред да дојде таа фамозна забрана, кога го блокиравме законот за медиуми, па од тогаш само вака спорадично се појавуваме во медиумите, тоа се млади луѓе, нерасипани луѓе, луѓе кои што се граделе низ органите на партијата. Тие немаат фамозни презимиња и не припаѓаат на тие фамилијарни кланови. Тоа се децата на транзицијата, тоа се нов вид на политичари, кои што ќе бидат едно големо освежување на политичката сцена“, порача Крмов.

Вечерва на полноќ истекува законскиот рок во кој коалициите и политичките партии треба да ги достават кандидатските листи за претстојните парламентарни избори кои ќе се одржат заедно со вториот круг на претседателски избори на 8 мај во Државната изборна комисија (ДИК).