Крај на една ера: Браќата Гасол завршија со настапите за Шпанија
Браќата Пау и Марк Гасол официјално завршија со настапите за кошаркарската репрезентација на Шпанија. Светскиот шампион Шпанија во четвртфиналето на кошаркарскиот турнир на Игрите во Токио е поразен од селекцијата на САД, а воедно ова беше последен натпревар во репрезентативниот дрес за легендарните кошаркари на „фуријата“.
– Чувстувам неверојатна среќа и радост поради се што направив со ово тим – изјави меѓу другото Пау Гасол во разговор за КОПЕ.
Препорачано
Пау за шпанската репрезентација дебитираше во 2001 година и оттогаш беше неизоставен но и клучен дел на сите успеси на „фуријата“ како што се три златни медали на Европските првенства, злато на Светското првенство, две сребра на Олимписките игри.
Центарот минатата сезона ја заврши во Барселона, и засега нема најави дали 41-годишниот Пау ќе игра во наредната сезона или ќе се пензионира.
Марк Гасол е пет години помлад и член на шпанската репрезентација стана 2006 година. Исто како и Пау, и Марк Гасол имаше имаше огромен удел во успесите на репрезентацијата. Тој минатата сезона играше за Лос Анџелес лејкерс за кого ќе настапува и наредната.
