Кошаркарската репрезентација на Босна и Херцеговина го заврши настапот на Европското првенство, откако во осминафиналниот дуел денеска беше поразена од Полска со резултат 80-72.

Избраниците на БиХ го отворија мечот одлично и првата четвртина ја добија со 23-14. Полјаците возвратија во вториот период, но на паузата сепак БиХ замина со предност од 44-40. Сепак, во продолжението сликата на теренот се смени, Полска презеде иницијатива, го сврте резултатот и до самиот крај ја контролираше играта за конечна победа.

Клучна фигура во триумфот на Полјаците беше Лојд со 28 поени, а блесна и Понитка кој запиша 19 поени и 11 скокови. Кај БиХ најефикасен беше Јусуф Нуркиќ со 20 поени.

Со овој триумф Полска обезбеди место во четвртфиналето, каде ќе се сретне со селекцијата на Турција.