Никола Костески (30) забележа одличен настап во чешкиот шампионат, македонското десно крило постигна дури 17 голови во победата на Плзен.

Неговата екипа славеше на гостувањето кај Фридек-Мистек со резултат 28:34, што значи дека ги постигна половина од погодоците за победничкиот состав.

Вкупно 12 пати беше прецизен од игра, а петпати од линијата за седум метри. Воедно Костески имаше и шест украдени топки и го одведе Плзен до максимален учинок по три кола во првенството.

Екс играчот на Металург и Борец се наоѓа во многу добра форма, првиот странски предизвик му беше турскиот Ескишехир во 2017 година. Потоа се пресели во Татран Прешов, а беше дел и од австриските екипи Линц и Холабрун.

На 22 август го прослави 30 роденден, шестпати го носеше дресот на најдобрата македонска репрезентација.