Судењето на 37- годишниот Косовец за кражба на оригинални слики од Пабло Пикасо од дом во Швајцарија во 2020 година заврши со пресуда за затворска казна.

Косовецот кражбата ја извршил во домот на 80-годишен пензионер во Вајнфелд, при што украл предмети со вредност од 75 илјади швајцарски франци (77 илјади евра), межу кои имало и две слики на Пикасо, кои на пазарот имале вредност од 50 илјади франци или (над 51 илјада евра), пишуваат швејцарските медиуми.

Според неговата изјава, сликите ги продал на пазар по цена од 150 евра, а другата сума од продажбата на украдените предмети ги изгубил играјќи покер.

Тој е осуден на четири ипол години затворска казна и протеран од Швајцарија на 10 години.