Многу девојки и жени кои користеле орална контрацепција потоа пријавиле дека во тој период покачиле телесна тежина.

Некои од нив со години се мачат да ги симнат тие килограми, но ништо не им помага.

Сепак, во основа, се работи за еден широко распространет мит – денешните контрацептивни пилули не дебелеат, а доколку тоа се случи, тогаш проблемот лежи во нешто сосема друго.

Имено, секоја орална контрацепција поминува низ строги контроли и тестови. Доколку дојде до таков несакан ефект, тоа значи дека терапијата мора да се замени со друга, односно не треба да се чека организмот да се „навикне“, а уште помалку да се прекинува на своја рака.

Затоа, секоја девојка и жена, мораат веднаш да ги пријават несаканите ефекти кај својот матичен гинеколог. Дебелеењето значи дека дозата не е соодветна, или пак воопшто целата терапија, па затоа мора да се реагира навреме и да се спречи натамошно оштетување.