Српскиот епидемиолог Предраг Кон денеска по повод моменталната епидемиолошка состојба во Србија оцени дека државата „мора да разбере дека нема повеќе време“ и дека секој поеднец „мора ја да избегне инфекцијата“, пренесе Бета.рс.

Членот на владиниот кризен штаб за сузбивање на епидемијата со коронавирусот на Фејсбук напиша дека здравствените работници мора да издржат во услови на постојан раст на бројот на новозаболени.

-Што може државата да стори? Да разбере дека нема повеќе време … Што може да направи секој поединец? Да ја избегне инфекцијата … Што можат да сторат здравствените работници? Да издржат … Мораме да го забавиме вирусот, вели Кон.

Тој претходно изјави дека Кризниот штаб предложи нови мерки, вклучително ограничување на работата на угостителските објекти до 18 часот во следните две недели и обврска за носење маска на отворено во пешачките зони, додека министерот за здравство Златибор Лончар вчера објави дека мерките ќе бидат усвоени за еден до два дена.

Извор: Бета.рс

Поразителен рекорд на Србија, близу 4 илјади заразени со ковид-19