Општина Аеродром и годинава со поддршка за традиционалниот „Илинденски марш 2020“, но овој пат без големи собири, а од безбедносни причини поради пандемијата, ќе изостане и вообичаената музичка програма, објави општина Аеродром.

– Коњичкиот марш кој започна во 17 часот од паркот „Јане Сандански“,  ќе заврши на 2 Август во Крушево, каде што коњаниците ќе положат цвеќе на споменикот на Мечкин Камен, со што ќе се одбележи најголемиот македонски национален празник – Илинден.

Претставник од Општина Аеродром ќе им го предаде општинското знаме на дваесеттемина коњаници, со што официјално ќе стартува 42-от коњички марш организиран од Здружението на граѓани од Горно Лисиче „Илинденски марш 1978“, се вели во објавата на Фејсбук.