Оваа година на многумина од нас ни стана јасно дека постепено доаѓа крајот на „бесплатните“ технолошки услуги.  Од електронска пошта, стриминзи на музика, фотографии до датотеки. Она што се чинеше „премногу добро за да биде вистинито“, било поголема вистина од самата изрека.

Светот дојде до точка кога мора внимателно да се разгледат сите апликации кои се користат пред да почнат со своето наплаќање. Големите технолошки компании сакаат да ги користите како ваши основни дигитални услуги. Не мора да значи дека тоа го прават „злонамерно“ – живееме во свет на дигитални задоволства какви што нашите предци не ни можеле да ги замислат.

На пример кога услугата „Google Music“ беше пуштена во употреба, компанијата вклучи систем на складирање и стриминг на музика што се чинеше предобра „зделка“. Тогаш на корисниците им беше „дозволено“ доколку сакаат сите „MP3“ датотеки што ги поседуваат на нивните компјутери да си ги „преместат“ на „Google Music“. Секој можеше бесплатно да си ги пренесува сите музички датотеки на кој било уред што го користи со оваа апликација.

Но компанијата почна да ги менува правилата. Во текот на изминатата година, „Google“ постепено почна да се оддалечува од „Google Music“ фокусирајќи се кон новата услуга наречена „Youtube Music“.

Што би се случило доколку складирањето едноставно исчезне? Тоа не се случува особено често, но имало случаи во изминатите неколку години кога еден голем сервис за складирање пропаднал и сите поврзани услуги „тонат“ заедно со него.

Ако ја земаме за пример компанијата „Apple“. Ако се случи да „пропадне“ услугата „iCloud“, со „падот“ би ги повлекла и „iWork“ и „iCloud Calendar“, „Apple Photos“ и, се разбира, „iCloud Backup“. Ако се случи да „пропадне“ компанијата „Facebook“ со себе би ги однела  услугите на „WhatsApp“ и „Instagram“.

Сега „Google“ сака да му предложи да му „служи“ на светот. Тие сакаат да светот да функционира со „Gmail“, „Google Drive“ и услуги како што се „Google Photos“ и „Youtube Music“, така што корисниците би нашле доволно вредност за која ќе бидат спремни да платат.

Кога веќе корисниците станаа толку зависни од овие услуги, едноставно е невозможно да си го замислат животот без нив. Уште во 2016 година, имаше случаи на корисници кои реагираа на начинот на кој „Google“ се обидува да ограничува скалидирање на податоци, потсетувајќи дека „кога ќе заврши бесплатниот пробен период“ на скалдирање на „Google Drive“ или се надмине ограничувањето, сите поврзани услуги престануваат да функционираат.

Погодноста има своја цена во современиот, дигитален свет. Дали сте помислиле што би се случило доколку денес одеднаш снема Интернет? Што би се случило со вашата егзистенција доколку некоја од компаниите од кои зависите денес ненадејно се затвори?

Што би се случило ако вашата омилена игра одеднаш замине во историјата? Дали би можеле да живеете без технологија? Дали светот има „план б“?