Основачот на „Амазон“, Џеф Безос и неговата сопруга Мекензи Скот се разведоа во 2019 година, после што ставија крај рекордната бракоразводна постапка, според која нему му припадна 75 отсто од акциите во технолошкиот гигант, а нејзе речиси 36 милијарди долари во акции. Мекензи со разводот од Безос стана една од најбогатите жени во светот.

Мекензи на поранешниот сопруг му преотстапи 75 отсто од нивниот заеднички удел во „Амазон“ и сите гласачки права. Таа се откажа и од своите интереси во весникот „Вашингтон пост“ и ракетната комопанија „Блу ориџин“, објави тогаш Мекензи на својот налог на Твитер, сегашен Икс.

– Благодарна сум што го финализирав процесот за развод на бракот со Џеф со заемна поддршка. Се радувам на новата фаза на нашиот однос и ќе ги воспитуваме нашите деца како пријатели – рече Мекензи.

Безос и Мекензи беа во брак 25 години, во кој добија четири деца.

Милијардерот го основал „Амазон“ во својата гаража во 1994-та година, а голема поддршка во текот на градењето на деловното царство му била поранешната сопруга МекКензи.

Во медиумите се шушкаше дека до разводот дошло бидејќи Безос осум месеци бил во врска со новинарката Лорен Санчез, со која се ожени во петокот..

– Тој со Лорен се состанувал трипати неделно, ја водел на егзотични патувања со приватен авион. Нашиот фотограф ги фати како прават „валкани“ работи – тврдеше тогаш списанието „Нешнел енкваер“.

Мекензи во 2020 година се омажи по вторпат. Но, ниту тој брак не успеа. Мекензи Скот се разведе од професорот по наука Ден Џевет по помалку од две години брак.

Поранешната на Безос не ги штеди парите добиени од разводот: Досега донирала 9,2 милијарди долари

Мекензи Скот се разведува од вториот сопруг по помалку од две години брак