Американската тенисерка Коко Гоф е новата шампионка на грен слем турнирот Ролан Гарос кој се организира во Париз, Франција.

Денеска 21-годишната Гоф го освои својот прв трофеј на Ролан Гарос а втор на гренд слем турнир, откако пред две години дојде до пехарот на САД опен.

Во големото финале Американката по пресврт ја совлада Арина Сабаленка по два часа и 40 минути игра, со резултат 2:1, во сетови 6:7 (5:7), 6:2 и 6:4.

Ова беше голема битка на брејкови, во која Американката на крајот беше подобра. Имаше многу грешки од двете страни, но Гоф беше посмирена кога беше најпотребно.

Во машкото финале в недела од 15.00 часот се среќаваат Јаник Синер и Карлос Алкараз.