Која е жената чиј профил на Твитер го избриша Илон Маск? Една фотографија ѝ ја уништи кариерата
Твитер почна трајно да ги гаси профилите кои лажно се претставуваат. Новиот сопственик на социјалната мрежа Илон Маск изјави дека во иднина секој профил кој имитира некого ќе биде трајно избришан, доколку конкретно не се наведе дека се работи за пародија.
Препорачано
Going forward, any Twitter handles engaging in impersonation without clearly specifying “parody” will be permanently suspended
— Elon Musk (@elonmusk) November 6, 2022
Меѓу прекинатите профили е и тој на американската комичарка Кети Грифин. Нејзиниот профил беше згаснат во неделата, истиот ден кога името на профилот го смени во Илон Маск за да му се потсмева на милијардерот. Имено, Грифин на Твитер се нарече Илон Маск и под негово име споделуваше различни објави на Твитер.
Но, ова не е првпат Грифин да исмева некој богаташ.
This one falls perfectly on the “Fuck around and find out” scale.#KathyGriffin found out. pic.twitter.com/tyxqf01GEN
— ???? ??????? ??? ?????? (@Liberty25777608) November 6, 2022
Една фотографија ѝ ја уништи кариерата. Во текот на изборната ноќ во мај 2017 година, комичарката објави фотографија на Твитер на која е прикажана како ја држи крвавата глава на Доналд Трамп.
Контроверзната фотографија е дело на фотографот Тајлер Шилдс, а Грифин ја објави веднаш откако Трамп предвреме прогласи победа.
Kathy Griffin has been suspended from Twitter it’s been a long time coming I’m sure millions of Americans are happy right now. #KathyGriffin? pic.twitter.com/jEBAAnuBAo
— Avenatti‘s Cellmate (@Avenattiismine) November 6, 2022
Твитер ја означи објавата како потенцијално чувствителна содржина, а фотографијата стана вирална и предизвика бес кај Американците поддржувачи на Трамп, кој ја нарече „болна“.
Скандалот ја чинеше кариера и изгуби многу деловни понуди, а таблоидите ја споредија со терористка. Нејзините пријатели ѝ го свртеа грбот, како и добар дел од Холивуд, а таа доби и смртни закани.
Иако јавно се извини и се соочи со процес на федерална истрага, таа беше безмилосно распната од конзервативната толпа на социјалните мрежи, а нејзината кариера отиде низбрдо.
„Сè уште сум на црната листа. Ниту една агенција не сака да работи со мене. Ниту една телевизиска компанија. Ниту стриминг сервис. Никој“, рече таа во интервју за „Лос Анџелес тајмс“.
„А сепак, ќе заработам. Заработив за сѐ и пак ќе заработувам. Морам да се ископам од оваа дупка“, додаде таа.
Грифин поцона го повлече своето извинување и го претвори скандалот во стенд-ап комедија од кој произлезе документарниот филм „Кети Грифин: Пеколна приказна“ (Kathy Griffin: A Hell of a Story).
Во Твитер сега само Илон Маск е директор, ќе го брка секој четврти вработен?
Новости на Твитер: Илон Маск ќе воведе месечна претплата од осум долари
