Кој нема готовина нека трча во банка, тие што се на одмор со картичка нека се снаоѓаат
Од Македонска банкарска асоцијација велат дека се надеваат оти сервисите набзро ќе се нормализираат
Најчесто банките работат до 16 часот, така што тие што немаат готовина најдобро е да трчаат во банка затоа што картичните брендови VISA и MasterCard се недостапни на банкомат или во трговија. Проблемот не е домашен, па паника почна да се шири и кај нашите што се на одмор во Грција а кој се соочиле со овој проблем.
Препорачано
Една наша сограѓанка вели дека не може да си го плати сместувањето затоа што сметала на картичката.
– Одам во хотел, ја подавам картичката и ми велат – не поминува. Подоцна сите сфаќаме дека не е проблемот само во мојата картичка, туку во картичките на сите што се обидуваат да платат. Не знам што ќе правам ако овој проблем не се реши, затоа што јас не понесов готовина за да го платам сместувањето, тоа сметав да го подмирам со картичка – вели нашата соговорничка.
Откако ја објавивме веста за проблеми со картичките, до нашата Редакција стигна прашање од уште една наша сограѓанка која е на одмор во Грција. Таа прашува дали има некои поконкретни сознанија до кога нема да функционирааткартичките затоа што само што стигнала на одмор и ако не се реши проблемот набргу, ќе мора да бара начин како да и пратат од дома пари.
– Со 200 евра колку што носам сигурно дека не можам да поминам 10 дена. Утрово пазаревме во еден маркет, но една од картичките не помина, а другата помина. Потоа, и двете не поминуваа. Не знам што да правиме. Очекувам некакви подетални информации, за да некако се организираме – вели скопјанката.
Од Македонска банкарска асоцијација велат дека се надеваат оти сервисите набзро ќе се нормализираат
„Во име на членките на Македонската банкарска асоцијација, ве информираме дека во моментот кога соопштението се подготвуваше и испраќаше, дел од услугите на нашите членки, поврзани со картичните брендови VISA и MasterCard се недостапни – на банкомат или во трговија, велат од МБА. Како и досега, средствата на клиентите на банките се достапни во сите експозитури и филијали“, велат од МБА, но проблем е што банките во подоцнежните попладневни часови не работат.
Оттаму потенцираат дека членките на Македонската банкарска асоцијација се во интензивна комуникација со картичните брендови VISA и MasterCard, и од досегашните анализи може да се каже дека причината за проблемот не е поврзана со националните телеком оператори, ниту со поединечните системи на банките.
Македонска банкарска асоцијација: VISA и MasterCard се недостапни на банкомат или во трговија
