Кои се првите симптоми на стелт омикрон? Еден е сосема нов
Стелт омикрон беше идентификуван во ноември минатата година на Филипините, досега е регистриран во околу 70 земји во светот, но најмногу се прошири во Данска, Велика Британија, Индија, Катар, Непал, Израел…
Препорачано
Според информациите кои ни доаѓаат од некои земји, тој е до два пати позаразен од оригиналната варијанта на омикрон. Експертите открија дека сѐ уште е рано да се зборува за оваа подваријанта на вирусот, бидејќи малку се знае за него, а многумина се прашуваат колку е опасен и како изгледаат неговите симптоми.
Иако експертите сè уште ги проучуваат ефектите на сојот стелт омикрон, новиот извештај на Светската здравствена организација (СЗО) потврди дека BA.2 се разликува од претходните мутации поради својата клеточна структура.
Се претпоставуваше дека симптомите се слични на претходната субваријанта, но сега е откриено дека еден од вообичаените симптоми на сојот стелт омикрон вирус е – вртоглавицата.
Уште еден вообичаен симптом кој се појавува мошне рано е заморот. Д-р Анџелик Коце, претседателка на Јужноафриканското медицинско здружение, која првпат ги предупреди властите за омикрон во ноември минатата година, рекла дека заморот со болките во мускулите може да биде меѓу раните знаци на оваа варијанта.
Симптомите на сојот стелт омикрон се опишани како речиси идентични со оние во оригиналната варијанта:
– суво грло
– течење на носот
– кивавица
– благи болки во мускулите
– замор
Невообичаените знаци вклучуваат несвестица, гушење, магла во мозокот, осип на кожата, конјунктивитис, гадење или повраќање.
Додека BA.2 сѐ уште е под истрага, научниците од американскиот Центар за контрола и превенција на болести (ЦДЦ), издадоа предупредување за оригиналниот омикрон, барајќи од луѓето да внимаваат на бледата, сива или сина кожата, усните или ноктите. Ова може да укажува на ниско ниво на кислород во крвта и бара итна медицинска помош.
За разлика од сојот делта, оригиналниот и стелт омикрон многу ретко предизвикува болка во градниот кош, бидејќи вирусот го напаѓа горниот респираторен тракт и генерално не се спушта до белите дробови.
Засега не може да се предвиди како ќе влијае врз целосната епидемиолошка состојба.
