Кои се главните фаворити за најдобар стрелец на Европското првенство?
Возбудувањата секојдневно растат пред стартот на Европското првенство, а секако со нетрпение го очекуваме настапот на македонската А репрезентација.
Препорачано
Се надеваме воедно на убав фудбал за гледање, со многу голови во текот на натпреварите, а во продолжение погледнете кои би можеле да бидат во трката за најдобар стрелец на ЕВРО 2020.
Потсетување дека на претходниот континентален собир одржан во Франција најдобар стрелец беше токму нејзиниот репрезентативец Антоан Гризман со шест погодоци.
Според „bwin“, како најголем фаворит за прв стрелец на ЕП годинава е репрезентативецот на Англија, Хари Кејн (квота 7/1).
Играчот на Тотенхем беше најдобар стрелец на Мундијалот во Русија 2018 година (шест голови), сезонава во Премиер лигата исто така се најде на врвот со 23 голови, па така се очекува одличната форма да ја продолжи и следниот месец.
Зад Кејн, следуваат Ромелу Лукаку (Белгија, 8/1), Кристијано Роналдо (Португалија, 9/1), Килијан Мбапе (Франција, 9/1), Мемфис Депај (Холандија, 16/1), Карим Бензема (Франција, 16/1), Тимо Вернер (Германија, 18/1), Антоан Гризман (Франција, 20/1)..
Лукаку на минатото СП беше втор стрелец со четири голови, со 24 погодоци го водеше Интер до титула во Серија А оваа сезона, а подобар од него на листата на стрелци во најсилното италијанско првенство беше само Роналдо од Јувентус (29).
Австријците ги открија картите за дуелот со Македонија на стартот на ЕП
