Во кафе-книжарницата „Буква“ на 28 ноември, од 20 часот, ќе се одржи четвртиот „Диптих“, односно настанот „Диптих за Скопје“ – книжевно читање, споредбена анализа и разговор со авторите Ивана Јовановска и Иван Шопов. Настанот ќе го модерира Јулијана Величковска.

„Диптих за Скопје“ е настан што се состои од книжевно читање со авторите Ивана Јовановска и Иван Шопов. Целта на настанот е да го доближи творештвото на Ивана Јовановска и Иван Шопов, и тоа имајќи го токму градот како тема во фокусот, тема што им е својствена и блиска на овие современи македонски автори, едниот поет, а другиот прозаист.

За сличностите и за разликите во пристапот ќе говори Јулијана Величковска, главен и одговорен уредник на „ПНВ Публикации“. Настанот е поддржан од Град Скопје.