Веќе подолг период се објавува дека францускиот фудбалер, Килијан Мбапе наводно сака да го напушти ПСЖ, а покрај Реал Мадрид и клубови од Саудиска Арабија, а воедно се шпекулира за негова сензационална позајмица во Ливерпул.

Англиски „Мирор“ објави гласина дека Мбапе би можел да дојде на Енфилд на едногодишна позајмица.

– Се смееме на таа приказна. Можам само да кажам дека е многу добар играч, но финансиските услови не ни одговараат. Не сакам да ја расипувам приказната, но колку што знам, нема вистина во тоа. Сепак, можеби некој во клубот подготвува нешто и ќе ме изненади, иако тоа се нема случено во текот на моите осум години во клубот. Тоа би било првпат – ги демантираше шпекулациите германскиот менаџер на „црвените“, Јирген Клоп, потврдувајќи дека Ливепул нема средства да доведе таков играч.

Потсетуваме, Мбапе не отпатува со парижаните на подготовките и сака да се пресели во Реал Мадрид.

Понудата на Ал Хилал од 300 милиони евра беше прифатена, но Французинот одби да преговара и засега не покажува интерес за трансфер во саудискиот шампионат.