Парис Џексон, ќерката на легендарниот Мајкл Џексон, објави дека ја прекинува свршувачката со свршеникот Џастин Лонг, пишува „Пејџ сикс“. 

Веста за крајот на нивната врска беше потврдена овој четврток, откако Парис коментираше на фотографиите на кои плаче на социјалната мрежа Икс, велејќи: „Тоа се солзи по раскинување. Пак измислувате“.

those are breakup tears. y’all are fkn reaching again

— PK (@ParisJackson) July 31, 2025

Таа беше видена како плаче неколку дена претходно, а многумина претпоставија дека тагува по годишнината од смртта на нејзиниот татко, но Парис јасно стави до знаење дека нејзините емоции се поврзани со крајот на нејзината врска со Џастин.

Парис и Џастин се заедно три години, а се верени во последните осум месеци. Тие ја објавија својата свршувачка во декември 2024 година, со трогателна порака дека нивниот заеднички живот со Џастин бил „неопислив виор“ и дека таа не може да замисли „некого посовршен“ за себе.

Таа постојано нагласуваше колку многу ѝ значеше оваа љубов и колку е благодарна што имаа можност да изградат заедничка иднина. Кон крајот на 2024 и почетокот на 2025 година, тие интензивно ја планираа својата свадба – венчаницата веќе беше сошиена, локацијата беше резервирана, а точниот датум го одредуваше астролог, што Парис го објасни во едно интервју: „Јас сум од Лос Анџелес, сè правам со кристали и астролог“.

Во јуни 2025 година, Парис сè уште беше целосно зафатена со организирање на свадбата, честопати споделувајќи фотографии од себе со Џастин, особено од турнејата со бендот „Инкјубус“. Самиот раскин дојде ненадејно, без понатамошно јавно објаснување за причината, а Парис отстрани многу од нивните заеднички фотографии од социјалните мрежи.

ВИДЕО+ФОТО | Парис Џексон: На четиринаесет години се обидела да се самоубие поради сајбербулинг