Ќерката на Дутерте се кандидира за потпретседател на Филипините
Ќерката на филипинскиот претседател Родриго Дутерте, Сара, ја поднесе својата кандидатура за потпретседател на земјата за изборите во 2022 година, соопшти денеска Изборната комисија на земјата, пренесува Си-Ен-Ен.
Комисијата на Фејсбук соопшти дека кандидатот на партијата Лакас-ЦМД се откажал од кандидатурата и ѝ ја отстапил на Сара Дутерте-Карпио.
Одлуката на Дутерте-Карпио да се кандидира за потпретседател на Филипините е изненадување бидејќи цела година се шпекулираше дека повеќе сака да се кандидира за претседател, јавија локалните медиуми.
На Родриго Дутерте (76) Уставот му забранува повторно да се кандидира за шестгодишен мандат, а минатиот месец соопшти дека се повлекува од политиката.
Изборите на Филипините, земја со 110 милиони жители, ќе се одржат во мај следната година.
„Влезете им дома и вакцинирајте ги додека спијат“, нова контроверзна изјава на Дутерте