Еурофарм Пелистер и во второто коло од групната фаза во ракометната Лига на шампионите беше убедливо поразен, овојпат на гостувањето кај Алборг.

Во Данска актуелниот македонски првак беше рамноправен до 17 минута кога резултатот беше 8:8, по што следуваше серија од пет голови пет голови на домаќинот кој ги казнуваше грешките на битолската екипа и само постепено до крајот на средбата ја зголемуваше својата позитива.

Данскиот интернационалец во редовите на Еурофарм Пелистер, Каспер Кисум (0/2) кој не се запиша во листата на стрелците, по завршувањето на мечот изјави дека тимот направи премногу технички грешки.

– Игравме против подобар тим и со многу поискусни играчи. Сè уште сме нов млад тим и сè уште се обидуваме да го најдеме нашиот начин на игра. Направивме премногу технички грешки по 15 минути и на ова ниво тоа ќе биде казнето – рече левиот бек Кисум, а пренесува „ЕХФ“.

Во следното трето коло од групата „А“ во ЛШ играчите на тренерот Александар Јовиќ на 27 септември во Битола ќе го пречекаат германскиот Кил.