Кинескиот суд ја поддржи смртната казна против канадскиот граѓанин Роберт Шеленберг, пренесува Гардијан.

Шеленберг беше приведен во Кина уште во 2014-та година, кога беше обвинет за шверц на 225 килограми метамфетамин во Австралија. Во 2018-та година тој беше осуден на 15 години затвор, но откако тој поднесе жалба за повторно судење, народниот суд во Далиан нареди негово погубување.

Овој е еден од најмалку двата случаи на канадски притвореници, кои денеска треба да ги слушнат своите пресуди во Кина. Набљудувачите и странските власти овој случај го именуваа како „заложничка дипломатија“ од страна на Кина.

Утрово кинескиот суд во Шенјанг го одби барањето на Шеленберг, кој бараше да се промени пресудата, со која му беше изречена смртна казна поради шверц на дрога.

Од судот велат дека фактите кои биле применети во претходните судења се чисти и доказите се „чисти и доволни“.

Амбасадорот на Канада во Кина, Доминик Бартон беше присутен на судењето на Шеленберг, а потоа изјави дека Канада ја осудува одлуката под секој можен услов.

„Ја повикуваме Кина да му даде милост на Роберт Шеленберг. Ние го искажавме нашиот спротивен став на суровата и несекојдневна одлука на судот. Ќе продолжиме со нашите барања до кинеските власти“ изјави Бартон.

Ambassador Barton remarks on #RobertSchellenberg’s verdict pronouncement after existing the courtroom. pic.twitter.com/coXX1bl6y1

— Canada in China (@CanadaChina) August 10, 2021

Пренесувањето на дрога во Кина се казнува строго, а судскиот систем во земјата е познат како нетранспарентен, успешноста на жалбите во тие судови се многу ретки.