Националната вселенска агенција на Кина денеска соопшти дека лансирањето на нејзиниот клучен сателит за испраќање сигнали било целосен успех и дека тој во наредните години ќе служи како комуникациски мост за идните мисии на Месечината. На 20 март, Кина лансираше поголем сателит и уште два помали сателити, Tианду-1 и Tианду-2.

Сателитот ќе се користи за комуникација со Земјата и во претстојните мисии на оддалечната страна на нејзиниот сателит најмалку до 2030 година. Блиската страна на Месечината секогаш е свртена кон Земјата, што значи дека преносот на податоци од оддалечната страна бил невозможен бидејќи нема директна линија до неа.

China on Friday announced the success of the Queqiao-2 relay #satellite mission after the satellite operated normally during in-orbit tests to provide Earth-Moon communications services, paving the way for China's future lunar exploration program and international lunar missions. pic.twitter.com/bw2VeETBQp

— China Science (@ChinaScience) April 12, 2024

Ксионг Лианг, кој го разви лансираниот сателит, го опиша како „главен прекинувач“ за четвртата фаза од мисии на Месечината, јавува кинеската државна телевизија. „Само кога главниот прекинувач е вклучен, може да започне комуникацијата“, рече тој.

Сателитот ќе орбитира околу Земјиниот сателит и ќе испраќа и прима сигнали од мисијата Ченг-6, чие лансирање се очекува во мај. Таа роботска мисија за прв пат ќе се обиде да собере примероци од темната страна на Месечината. Сателитот ќе се користи и кај мисиите во 2026 и 2028 година.