Фудбалерот на ПСЖ, Килијан Мбапе по четврти пат по ред е прогласен за најдобар играч на француската лига за оваа сезона во изборот на Унијата на професионални играчи на Франција (УНФП).

Сезонава 24-годишниот напаѓач сезонава во 33 натпревари и постигна 28 голови со што е најдобар стрелец во првенството. Тој е првиот фудбалер кој четирипати по ред е прогласен за најдобар играч во француската лига.

Оваа награда беше доделена за првпат во 1994 година, Мбапе го надмина Швеѓанецот Златан Ибрахимовиќ, кој трипати во кариерата беше прогласуван за најдобар играч во „Лига 1“.

– Задоволство е, отсекогаш сакав да ја освојам оваа титула и да го запишам моето име во историјата на лигата. Сепак, и покрај сите амбиции што ги имам, не ја очекував оваа титула толку брзо. Многу сум среќен овде и со мојот избор да бидам дел од овој проект. Ќе бидам во ПСЖ и следната сезона – изјави Мбапе.

За тренер на сезоната е прогласен Френк Хејс, шеф на стручниот штаб на Ленс, екипа која го го освои второто место и по 20 години следната сезона ќе игра во Лигата на шампионите.

ВИДЕО | Mбапе раскрвари девојка на трибините, па и приреди изненадување

ВИДЕО | Tројца навивачи ги пречекаа фудбалерите на ПСЖ по освоената титула