Eкипата на Кил во еден неверојатен натпревар против Монпелје успеа да слави победа од десет разлика (31:21) и така да се пласира на фајнл-фор турнирот во Лигата на шампионите.

Натпреварот во Франција Монпелје го доби со девет гола разлика и се мислеше дека нема да си дозволат во реваншот да ја испуштат, но се случи спротивното. Ракометарите на Кил успеаа да ја надополнат негативата и да славата победа.

Од почетокот на натпреварот Германците наметнаа свое темпо, а пресвртот го најавија по првите 30 минути кога имаа водство од 17:12. Во вториот дел додадоа уште пет гола разлика и така си обезбедија место во Келн.

Најрасположен беше Јохансон кој постигна осум голови, додека одличен настап имаше и голманот Мрква со 13 одбрани. Пелас за Монпелје постигна шест гола.