Рускиот селектор Валери Карпин ја посакува фудбалската репрезентација на Македонија за противник во полуфиналето од баражот за пласман на Светското првенство во Катар кое ќе се одржи идната година.

Ждрепката за одредување на групите ќе се одржи в петок во Цирих (17 часот), а Македонија се наоѓа во групата на непривилегирани репрезентации и можни противниците во полуфиналето и се Португалија, Русија, Италија, Велс, Шведска и Шкотска.

– Нема човек што не ја посакува Македонија и го гледам јас тоа, сите мислат дека Македонија е најдобриот противник што може да ни падне. Веројатно тој ќе биде најдобар противник за нас. Сите така мислат, а и ние. Но, тоа е само на хартија, на теренот ќе треба да се докажуваме – изјави Карпин.