Најдобриот македонски тенисер Калин Ивановски на денеска објавената ранг листа на АТП има пад од 21 место и се наоѓа на 326 позиција со 163 поени или 13 помалку од претходното рангирање.

Пад за едно место Ивановски има и во конкуренција на двојки каде со 75 поени се наоѓа на 645 позиција. Ивановски од следната недела го очекуваат настапи на Челинџер турнири во Кобе и Јокохама.

Горазд Србљак со 10-те поени се наоѓа на 1050 место или има скок од 12 позиции, додека третиот македонски тенисер со ранг е Обрад Марковски, кој со три поени се наоѓа на 1.472 место со напредок од пет позиции.

Во конкуренција на двојки Марковски се наоѓа 1468 место (скок за девет позиции) со 13 поени.

Берк Бугариќ со 16 поени се наоѓа на 1352 место (скок седум места), додека Елдин Хусеиновиќ е рангиран на 2105 позиција со три поени и има напредок од 15 места.