Шест лица од Скопје се приведени поради масовната физичка пресметка што се случи синоќа пред угостителски објект на улицата „Митрополит Теодосиј Гологанов“ во скопската населба Капиштец.

Инцидентот се случил околу 20 часот, кога бил нарушен јавниот ред и мир во тепачка меѓу две групи – од едната страна С.С. (23), М.З. (24), А.Ѓ. (42), И.М. (33), М.З. (55) и Б.Р. (29), сите од Скопје, а од другата страна А.М. (40), Т.Д. (41) и М.Е. (45).

Како што информираат од МВР, сите учесници претходно се наоѓале во истиот угостителски објект, по што расправијата ескалирала надвор. Полициските службеници од СВР Скопје интервенирале веднаш и ги лишиле од слобода шестмината споменати лица.

Во тек се мерки за целосно расчистување на случајот, по што ќе следуваат соодветни поднесоци против инволвираните.

ВИДЕО: Голем инцидент вечерва во скопски ресторан, наводно избила масовна тепачка