Јужна Кореја денес соопшти дека постигнала 50 отсто стапка на излекувани пациенти од коронавирусот, што го истакнува значењето на агресивното тестирање, карантинот и социјалното дистанцирање, извести агенцијата „Јонхап“, а пренесе „Танјуг“.

Како што соопшти националниот Центар за контрола и превенција на заразни болести, во таа земја од болница до саботата се отпуштени 4.811 потполно оздравени пациенти, што е зголемување за 283 лица во однос на претходниот ден.

Тоа е првпат бројот на излечени да го надмине бројот на пациенти кои се наоѓаат во карантин во Јужна Кореја.