Заврши акцијата на ЈП „Водовод и канализација“, со која граѓаните во периодот од 17 јуни до 31 јули можеа да се договорат со претпријатието своите заостанати долгови за вода да ги платат на рати и без камата.

Акцијата ја искористиле 551 правни и физички лица. Како што информираат од претпријатието, вкупниот износ за кој се склучени договорите за исплата на рати без камата е 36,5 милиони денари.

ЈП „Водовод и канализација“ апелира до своите корисници редовно да ги подмируваат своите долгови и разумно и рационално да ја употребуваат водата, да бидат одговорни и да се однесуваат совесно во однос на заштитата на водоснабдителниот и канализацискиот систем.