Јирген Клоп: Најспецијалниот трофеј што некогаш сум го освоил
Ливерпул успеа по 10 пат во својата клупска историја да го освои пехарот во англискиот Лига куп.
Фудбалерите предводени од менаџерот Јирген Клоп на стадионот „Вембли“ во Лондон триумфираа над Челси со 1:0 по продолженијата.
Германскиот стратег Клоп кој ќе ги напушти „црвените“ на крајот од сезоната е среќен поради остварениот успех на неговиот тим:
– Ова е најспецијалниот трофеј што некогаш сум го освоил. Апсолутно исклучително. Посакувам почесто да чувствувам гордост. Вечерва беше огромно чувството, горд сум на сите кои имаа придонес, горд што создадов атмосфера каде што овие момци можат да го прават она во што се најдобри – рече Клоп.
Ливерпул има шанса да дојде до уште два трофеи во Англија, наскоро го очекува меч во ФА купот против Саутемптон во осминафиналето, а моментно води во Премиер лигата со еден бод повеќе од второпласираниот Манчестер сити по 26 одиграни кола.