Јелена Розга неодамна го одржа петтиот од седумте концерти во Сава Центар. По првиот настап таа за српските медиуми ја коментираше врската со колегата Петар Грашо.

„Јас и Петар ги започнавме нашите музички кариери на истото место во 1996 година. Таа година првпат застана пред публиката како пејач, исто како мене. Се знаеме 28 години, одлични пријатели сме“, рече таа. Во продолжение откри еден детаљ што малкумина го знаат – Грашо и таа сѐ уште си персираат со „вие“.

– „Како сте, колега? Дали се одморивте? „Па, добро сум, колешке како сте вие?“, стана дел од нашата комуникација и трае сите овие години. Никому во општеството не му е јасно зошто го правиме тоа, но за нас тоа е убава шега која нѐ потсетува низ што поминавме заедно во овие 28 години – заврши Розга.

Розга на 30 декември го одржа својот петти концерт во Сава Центар. Ја очекуваат уште два настапи, на 16 и 17 јануари, кои претходно ги одложи поради трагедијата во загрепското основно училиште. „Концертите на 20 и 21 декември се одложени, новите концерти се 16 и 17 јануари 2025 година. Ќе има време за песната, сега е време за молк“, рече тогаш таа.

Со вкупно седум концерти, Розга го собори рекордот на Сава Центар, кој претходно со шест настапи го држеше Марија Шерифовиќ.