Јавен повик на Град Скопје за поддршка на проекти од областа на социјална, детска и здравствена заштита
Град Скопје објави Јавен повик за поддршка на проекти и програмски активности на организации кои работат во областа на социјална, детска и здравствена заштита за 2022 година.
Проектите кои ќе бидат поддржани од Градот Скопје треба да се однесуваат на приоритетите дефинирани во Програмата за активностите во областа на социјална, детска и здравствена заштита во град Скопје за 2022 година: Остварување социјална заштита на лица со попреченост; Остварување социјална заштита на лица кои употребуваат дроги; Општествено вклучување и социјални услуги за ранливите категории на граѓани; Еднакви можности на жените и мажите, недискриминација, поттикнување и развој на лични и општествени вредности и Унапредување на здравствена заштита.
Јавниот повик, пријавата за финансиска поддршка на организациите, како и образецот за предлог-проект се достапни на интернет-страницата: https://skopje.gov.mk/mk/apliciraj/javni-povici/
Крајниот рок за поднесување на пријавите е 23 февруари 2022 до 15 часот.