Премиерот на Јапонија, Шинзо Абе изјави денеска дека Олимписките игри во Токио ќе се одржи кога е и планирано во јули, и покрај коронавирусот поради кој се одложени голем број на квалификациски натпреварувања.

– Ќе го пребродиме ширењето на заразата и ќе биде домаќини на Олимпијадата без никакви проблеми, како што е и планирано – рече Абе, додавајќи дека конечна одлука ќе донесе Меѓународниот олимписки комитет (МОК) кој наскоро ќе се состане.

Јапонците со сета ангажираност се подготвуваат да ги пречекаат учесниците на Летните олимписки игри (24 јули-9 август) и покрај зголемената загриженост ширум светот околу епидемијата на заразата.

Според „Ројтерс“, Јапонија има од 1.423 случаи со коронавирус, од кои 28 лица починале досега во државата.

Летните Олимписки игри во Токио (24 јули-9 август) се очекува да чинат повеќе од 10 милијарди евра.

Јапонскиот дел од штафетата на олимпискиот пламен е предвидено да започне во Фукушима на 26 март, а неодамнешната церемонија на палењето на оганот во античка Олимпија се одржа без гледачи.

А во грчкиот град Спарта беше прекинато носењето на олимпискиот оган.

– Преземаме детални мерки за носење на олимпискиот пламен во нашата држава – рече гувернерот на Токио, Јурико Коике.

Многу квалификациски турнири за Олимпијадата се одложени, а некои ќе се одржат според закажаното, како што е боксерскиот во Лондон овој викенд и в понеделник.