Британскиот премиер Борис Џонсон му пружи поддршка на британскиот ветеран, капетанот Том Мур, кој собра речиси 40 милиони фунти за Националната здравствена служба на Велика Британија, откако стогодишниот старец е примен во болница со ковид-19.

„Ја инспириравте целата нација и знам дека сите ви посакуваат целосно закрепнување“, напиша Џонсон на Твитер.

My thoughts are very much with @CaptainTomMoore and his family. You’ve inspired the whole nation, and I know we are all wishing you a full recovery. https://t.co/Gm0S07umgd

— Boris Johnson (@BorisJohnson) January 31, 2021

Тој нагласи дека неговите мисли се со Мур и неговата фамилија во овие тешки моменти.

Мур собра речиси 40 милиони фунти за Националната здравствена служба на Велика Британија, во хуманитарна акција која започна во април минатата година. Тој тогаш пеш направи 100 круга од 25 метри во својот двор во Бедфордшир, во тури од по 10 круга, во пресрет на својот 100-ти роденден на 30 април.

Неговата ќерка Хана Инграм-Мур во неделата рекла дека нејзиниот татко е примен во болница, дека последните недели се лекувал од воспаление на белите дробови, а минатата недела бил позитивен на ковид-19. Британските медиуми исто така му пружија поддршка на Мур кој собори два Гинисови рекорди, а беше одликуван и од кралицата Елизабета.

„Молете се за Том“, пишуваше на насловната страница на таблоидот Сан, а слични пораки испратија и другите британски медиуми кои исто така објавија фотографии од Мур.

Извор: Блиц.рс